習慣

返左學都有成2個星期啦

都仲係好唔慣...唔慣咁早起身(以前可以訓耐d,因為學校近)

唔慣要搭火車返學, 唔憤同人迫車, 唔慣行咁耐都仲未到學校

唔慣套校服咁透, 最最最唔慣既就係無左1班朋友向身邊

我真係好好好掛住佢地呀, 我而家先知道我地原來係咁有默契

有時好多野唔洗講你地都知, 而家d同學唔係唔好,

但就好似唔知點咁, 好難傾得上幾句... 有時習慣真係好恐怖...

所以我唔想習慣, 有時d野一變

就會覺得好唔自在, 對住你既時候...

真係好想同你講....我唔想習慣你既存在呀

因為我覺得你終有1日會離開我, 既然係咁我希望你無出現過...

但始終我都阻止唔到...

愁，亂，煩

呢幾日發生左好多野,我經歷左我人生既第1件大事....放榜

雖然我仲可以升到,但就要同自己1個去讀,

因為我搵果間學校得我自己1個咋, 希望可以學會獨立

嗯,其他人maybe唔知,但其實我係1個好依賴朋友照顧既人

我好大頭蝦又大脾氣喎,唔係個個都可以就我

但我既朋友就得....無左佢地我都唔知點算...

向放榜前我都知我昸成績應該唔會好錯,只係唔知可唔可以原校升

愈近放榜就愈驚, 開始有好多唔同既假設出現向我腦海度....

但,到最後既結果係....

到知道成績啦, 有如釋重負既feel,

我亦隨即向朋友面前流出左第1滴淚

之後我又要煩去邊間讀, 我驚到連最差既大光都唔要我

又要揀睇下學校既科岩唔岩我讀,真係好煩

而家一切都已成定局, 我地過埋呢個暑假就要分開啦,

我一直都有說話想同你地講....

就係向黎緊既2年我地未必可以就到時間出黎成日見面聚舊

但我想你地知道我地既友誼係唔會因為年月而改變嫁

就算變都係愈變愈好, 仲有我莫小敏第時變到點都好,

都係你地永遠既朋友呀,

當你地以後遇到咩困難既時候都知道至少有1個人向度支持你!!!

我愛你地呀!!! 鍚鍚!!

出糧啦！！

今日終於出糧啦,又話7號有糧出,

點知我等到今日先有...= =

幾驚佢唔記得左呀,我張卡又成日打錯,

驚佢唔知我返左邊日咋!!!雖然人工唔係好多

但第1次自己賺返黎既錢特別唔同d,

用都用得開心d呀, wakaka

d阿姐大多數都好好, 係有d阿姐講野直左d姐...

反而有d師傅恐怖d...同佢3唔識7係都要同人扮熟咁...

做野既時候又成日望過黎, 笑笑笑,都唔知佢笑咩笑= ="

咩叫視覺非禮我而家知啦,俾佢望到好似無著33咁,

感覺好唔舒服

難得放假

今日係6月30號, 放假, 點解有假放?

我都唔知, 我之前果日d人叫我唔好返咪唔返low

但我聽人講好似話6月30係高考放榜, 好多人都向果日請假

so, 咪放左果日low, 嘻嘻~ 聽日都係放假, 正

我未試過香港既回歸日都咁開心嫁!

其實我都幾想返工嫁, 返多1日就多1日糧呀,

而且, 如果我攰既可以搵人幫手, 而我就向toilet 偷懶

1去就去大半個鐘都ok嫁, 咁都係要多得乳酪先生,

如果唔係佢對我份工作咁有熱誠

(我係做接餅, 而佢係等我接好d餅就拎走)

我都唔可以咁做啦,今日同ava去行街街,

隻腳而家都無咁痛啦, maybe係已經習慣左啦掛,^^"

睇岩左d野, 貴!!! 但我返到屋企,向yahoo!拍賣度見到仲平好多

呵呵~好彩無買到姐, 聰明!!!

今晚同bb影左d相,好得意

 好攰呀．．．

琴日去完grad din, d女仔好令, 我就...=="

有d片都幾感動下,但都係無喊,

食完飯之後無節目, 仲好...

可以早d返屋企訓覺覺, 因為今日都要返工

如果放左今日既就無$1000既獎金嫁啦,都係返好d

今日返工好眼訓, 先訓得果4個鐘...

俾張班相黎睇下啦(個位唔係咁岩)

同ava鍚鍚, 估下邊個係我,呵呵~